Зохиолч: Эдмон Сабри
Орчуулагч: Боржигин Батмөнхийн Энэбиш
Ангилал: Гадаадын уран зохиол
Хэвлэлийн газар: Улсын хэвлэлийн газар
Ноён Кадури долоо хоногийн өмнө шүүхийн хашаанд гутарч гуньсан үйлт нэгэн эмэгтэйтэй тааралджээ. Тэрээр царайлаг, залуу бүсгүй байсан атал гашуудлын хар хувцас өмсөж, хар алчуураар толгойгоо боожээ. Кадури түүнийг боломжийн хүн таарав, эмгэнэлт явдал ойрмог тохиолдож ямар нэг хүн амь үрэгдсэн асуудлаар шүүхэд хандаж байгаа юм байна хэмээн ойлгожээ.
Тэрээр бүсгүйг итгэлтэйеэ ажиглан харж, хажууд нь очиж нүүр өөд нь хараад өрөвдсөн янзтай,
— Ямар хүсэлтэй явна вэ, дүү минь? гэхэд эмэгтэй гунигтай дуугарч,
— Ганц хүү минь амь үрэгдчихлээ. Арван настай байсан юм. Учир зүггүй хурдалж явсан нэг машин дайрчихлаа. Хүү минь эмнэлэгт очих замдаа үхчихсэн. Ийм үйл бас байдаг аа! Би хүүгээсээ хагацаад хүүхэдгүй боллоо гээд уйлав...
