about

БЯЦХАН ХУН ТАЙЖ

Зохиолч: Антуан Де Сент-Экзюпери

Зохиолч, орчуулагч: Антуан Де Сент-Экзюпери

Ангилал: "Мөрөөдөл" танхим

ISBN: -

Товч тайлбар: АНТУАН ДЕ СЕНТ-ЭКЗЮПЕРИ (1900-1940) Энэхүү туужийг бичигч, францын үргэлжилсэн үгийн нэрт зохиолч, нисгэгч Антуан де Сент-Экзюпери 1900 онд Лион хотод төржээ. Далайн цэргийн сургуульд суралцахын зэрэгцээгээр дүрслэх урлагийн сургуульд явж байжээ. Цэргийн алба хааж байхдаа 1921—1923 онд нисгэгч болжээ. 20-иод оны сүүлчээр Тулуз Дакарын хоорондох анхны нислэгт онгоцны багийн бүрэлдэхүүнд оролцон нисэж байв. Сент-Экзюперийн амьдрал, уран бүтээл салшгүй холбоотой. Түүний бичсэн романууд: “Өмнөдийн шууданч” (1928—1929), “Шөнийн нислэг” (1931), “Хүмүүсийн гараг” (1939) бол өөрийнх нь туулж өнгөрүүлсэн амьдралын дуртгалууд билээ. Гадаадад байхдаа “Бяцхан хун тайж”, “Дайны нисгэгч” зэрэг зохиолуудаа бичсэн бөгөөд “Дайны нисгэгч” нь 1942 оны 2 дугаар сард англиар, 11 дүгээр сард францаар хэвлэгдэн гарчээ. Фашистууд уг зохиолыг хориглож байв. 1943 оны 5 дугаар сард Алжирт очиж, тулалдаанд оролцон, хэд хэдэн удаа аюултай даалгавар биелүүлж байсан. 1944 оны 7 дугаар сарын 31-нд Корсик арлын хавьд даалгавар биелүүлж яваад амь үрэгджээ. Сент-Экзюпери идэрхэн насандаа хорвоогийн мөнх бусыг үзсэн боловч түүний олон сайхан зохиолууд дэлхийн уншигчдын анхаарлыг татсаар байна. Түүний бичсэн “Хүмүүсийн гараг” роман нь Францын академийн, романд олгодог дээд шагналыг 1939 онд хүртжээ. Уншигч та бүхэнд толилуулж байгаа “Бяцхан хун тайж” хэмээх энэхүү тууж бол англи, герман, орос зэрэг олон үндэстний хэлээр орчуулагдан, хүүхэд багачуудын сонирхон уншдаг номын нэг билээ. Уг туужид хүүхдийн сэтгэхүйн онцлогийг аятайхан гаргасан байдаг. Тухайлбал, энэ туужид: Хэрэв та нар том хүмүүст хөх цэнхэр оройтой, цэцэг ирмэглүүлж тавьсан цонхтой, ягаан туйлын их сайхан байшин би үзлээ гэвэл, тэд энэ тухай дүрсэлж бодох гэхгүй. Тэдэнд, зуун мянган франкийн байшин байна гэж хэлэх хэрэгтэй. Тэгвэл тэд: Ямар сайхан юм бэ гэцгээнэ гэж бичсэн байдаг. Энэ тууж 27 жижиг хэсгээс бүрдэх бөгөөд хэсэг тус бүр амьдралын онцлогийг гаргадаг.