“Есөн бадаг шүлгийн орноор” хэмээх яруу найргийн номд ерөөл өргөх хувь надад оноогджээ. Цэрэндоржийн Эрдэнэбаатар хэмээгч найрагч ах маань Сэлэнгийн гаралтай, Улаанбаатар хотын уугуул нэгэн.

Амьдрал гэгчийг тэрээр гоёж, чимж бичихээсээ илүү голыг нь олоод хэлчихдэг шударга шулуухан, гүндүүгүй нэгэн гэж би боддог. Шүлгийг нь би ийм тийм гэж цэцэрхэхээс илүү хүнийх нь тухай бичмээр байна. Учир нь уншигч авхай та надтай надгүй “Есөн бадаг шүлгийн орноор” аялах нь дамжиггүй юм. Найрагч ах маань багаасаа л үлгэр шүлэг, номд дуртай нэгэн байсан гэдэг. 1972 оны жолооч тэрээр амьдрал тэмцэл гэгчийг үзэж, үзүүлж чадсан, юм үзэж нүд тайлсан, шүлгэн хүлэгтэй эр хүн билээ.

Эхнэр Алтанцэцэг нь хүнсний мэргэжилтэй, таван сайхан хүүхэд төрүүлж, өсгөсөн. Одоо бол ач зээгээ тойруулсан, азай хоёр буурлууд юм. Тэр бээр амьдрал бол аялал, аялал бол амьдрал гэж ярих дуртай. Арга ч үгүй биз ээ, энэ номд орсон шүлэг найргаас нь ажихад хорвоогийн юмс үзэгдлийн мөн чанар, түүний хувьсах шинж, жиших харьцааг алс тээврийн замд үзэж, сонссоноо найргийн нарийн мэдрэмжээр баяжуулан, үгийн урнаар илэрхийлдэг болох нь илт мэдрэгдэж байх юм. Машин, морь, шүлэг гэсэн гурван хүлэгтэй шүлэгч ах таныг найргийн тэнгэр ивээх болтугай.

Гурван их буяны нэг болдог номоо өргөн барьж буй найрагч ахын маань “Есөн бадаг шүлгийн орноор” номд тавтай морилно уу.

Сайн сайхныг ерөөсөн МЗЭ-ийн шагналт яруу найрагч

Мөнхөөгийн Билэгсайхан

Гарчиг:

Өмнөтгөл 
Багын амраг  
Сэлэнгэ мөрөн  
Магадгүй, байх хоёрт би дургүй  
Үнэний эрэлд  
Тэвчихгүй нь би  
Бидний сайхан аавууд  
Аавын дээл Монгол дээл  
Лонх  
Хундага  
Тамхи  
Шинэ жилийн үдэш  
Үлдсэн үг  
Нарс  
Ус  
Ээжээ  
Сүүн сүрчигт Ээждээ  
Ээжийнхээ хөргийг харахад  
Би ижийгээ санадаг  
Ээждээ бичсэн захидлаас...  
Хар цэцэггүй орчлон  
Би хоёр нартай  
Аав ээжээ зүүдлэхүйд  
Би хачин хүн, би Монгол хүн  
Зүүд  
Халаасны шүлэг  
Шүлэг минь  
Хаана байна залуу нас минь  
Одод  
Чоно  
Цай  
Жолооч (Найраглал)  
Лантуу  
Миний 2 бакаал  
Аяны бор тогоо  
Эргэх дөрвөн улирал— Найраглал —  
Чулуун тоглоом  
Талх  
Шалтаг ч юм уу  
Намар оройн төрх  
Халгай  
Би хэн бэ  
Зэрэглээ  
Зам мөр  
Нэр  
Энэхэн цагт  
Зочны үг  
Үүлс хилчин хоёр  
Цэргийн захидал  
Хилээс  
Хилчний амраг  
Өчил  
Тэсийн голын чулуу  
Дурсамж  
9 сарын 9  
Монголын чимэг  
Наашлах цаг  
Говь  
Гүйгүүл эрд  
Дүү нартаа  
Салхи  
Ихэр заяа  
Харц  
Мөнхийн нэр юм шүү  
Ахмадын алдар  
Шөнө дүлээр  
Дуртай дургүйд  
Нутгийн нуурт  
Өвөөгийн үг  
Болзоочин өвөө  
Нүд үнэнч, Чих худалч уу?  
Эрих  
Батгана  
Яргуй  
Нойлын цаас  
Надад бий  
Сүүдэр  
Эрх чөлөө  
Эрх чөлөө  
Нутгийн салхи  
Энэ үү дээ  
Монголын хоёр төрх  
Нүд  
Уруул  
Сэтгэл  
Хөх тэнгэр  
Барилгачдын алдар  
Энэ бойтог  
Алдар  
Аяны шувууд  
Өнөөдөр 7-р сарын 11  
Зуслангийн өглөө  
Шөнийн гэрэл  
Далай ээж  
Дуртай би  
Монголын радио  
Миний Улаанбаатар  
Номхон далай  
Яахин тэвчинэ  
Цаг хугацаа хаан  
Цаг цагийн аяс  
Монгол уу?  
Арын хаалга, адын хаалга  
Зүрхэнд хургасан Зүүнбаян  
Зүүнбаянаа би зүүдлэн сэрдэг  
Бодоход  
Ач зээгийн жагсаалд  
Үзэг  
Худлаа  
Дэн  
Манжуурын бодрол  
Багшдаа  
Өглөө  
Сонгино хайрхан