Консейсау тонгойн тонгойсоор гантиг ширээ тохойлдон алгаараа нүүрээ таглав. Унтлагын хувцасны нь задгай ханцуй доош унжиж, ил гарсан бугуйг нь харахад цав цагаан, тааварлаж байснаас ч илүү туранхай байлаа. Энэ бүхэн ер бишийн ч гэсэн надад танил бөгөөд тэр тусмаа Консейсау хүчтэй сэтгэгдэл төрүүлэв. Бүдэг гэрэлтэй ч гэсэн би байрнаасаа хөдлөхгүйгээр судсыг нь тоолж болохоор судас нь тодхон харагдана. Консейсау дэргэд минь байгаа нь номоос илүү намайг хөөргөж орхилоо...
