Зохиолч: Монтейру Лобату
Орчуулагч: С. ЖАДАМБА
Ангилал: Гадаадын уран зохиол
Хэвлэлийн газар: Тодорхойгүй
Хөөрхий өнчин Чернуша долоон настай, негр биш, харин хүрэн бор царайтай, шар үстэй, айсан байрын харцтай эрлийз охин юм.
Охин негрийн овоохойд төрсөн агаад ээж нь боол байжээ. Амьдралынхаа эхний жилүүдийг Чернуша гал тогооны харанхуй буланд, бохир даавуугаар хучсан хуучин чийрсэн дээр хэвтэж өнгөрөөжээ. Жаахан хүүхдийг үзэж чаддаггүй байсан эзэгтэйгээсээ айгаад ээж нь Чернушаг гэрээс бараг гаргадаггүй байлаа.
Эзэгтэй нь эрхэмсэг хатагтай бөгөөд баян, тарган, бага наснаас нь эрхлүүлчихсэн, язгууртан эмэгтэй байв. Сүмд, түүнд зориулсан тусгай суудал байна, диваажинд ч гэсэн тансаг сайхан булан бэлдчихсэн байсан байлгүй. Зочны өрөөн дэх түшлэгтэй ганхдаг сандалдаа суугаад хээ хатгаж цаг нөхцөөх, эсвэл найз хүүхнүүд, ламтай дэмий ярьж, зочид хүлээн авч, цаг агаарын байдлыг шүүн ярилцана. Нэг үгээр хэлэхэд хүндтэй, ламын хэлснээр «Жинхэнэ буянтай ном айлдагчийн дүртэй, шашин, ёс суртахууны тулгуур» болсон сайн хатагтай байжээ.
Тэр зөвхөн хүүхэд уйлахад л тэсвэрлэж үл чадна...
