Зохиолч: ЖОН ВИНТЕРИХ
Орчуулагч: Б. Чулуундорж
Ангилал: Түүх Намтар, дурсамж Америк уран зохиол танин мэдэхүй
Хэвлэлийн газар: Улсын хэвлэлийн газар
«Шалгалтанд бэлтгэж буй тул элдэв ном бага унших боллоо. Амралтаа тантай өнгөрүүлэх боломж тэртэй тэргүй гарах тул коллежид оръё гэж шийдлээ. Харин тэнд амьдралынхаа хөгжөөнт дөрвөн жилийг алдах вий гэхээс харамсах юм. Ямар мэргэжил сонгохоо өнөөг хүртэл шийдээгүй л байна. Сахил хүртэх тухайд бол бодохын ч хэрэг алга. Та ч гэсэн надыг сүмд уйтгарлаж суухыг хүсэхгүй шүү дээ. Би хожуул адил нэг байрандаа хөдөлгөөнгүй суусаар насыг барахыг бодохгүй байна. Шүүгч болъё гэтэл тэдэнд чинь ажил хүртэхгүй, тэн хагас нь өлсгөлөнд нэрвэгджээ. Тэгэхлээр эмч л үлдэж байх шив. Гэвч ах дүүсийнхээ зовлонгоос ашиг хонжоо олохыг хүсэхгүй байна. Өөрийн өвчтөнийг "adinfernum" буюу «эрлэгт» нь явуулчихвал сэтгэл минь ер амрахгүй сэн. Мэргэжил эзэмшихгүйгээр элбэг дэлбэг амьдрах хөрөнгөтэй сэн бол доо! Зохиолч болж үзэг цаас нийлүүлбэл яадаг сан бол. Гэвч миний чадвар мөхөсдөх биз. Шүүмжлэгчид хүүгийн чинь зохиолыг манай бусад шилдэг зохиолчдын бүтээлтэй эн зэрэгцэх болжээ гэж магтвал танд бахархах сэтгэл төрөх сөн. Гэлээ ч зохиолчид ядуу амьдралтай болохоор бас л тусгүй...»
Гарын үсэгнийхээ дараа «Хэнд ч бүү үзүүл» гэжээ. Хүний хувь заяа гэж. Харин одоо чухам энэ захидлыг л бүгдээр мэдэх болжээ.
