Зохиолч: Д. Сэнгээ
Орчуулагч:
Ангилал: Монголын уран зохиол
Хэвлэлийн газар: БНМАУ-ын Ардын боловсролын яамны хэвлэл
Тогтоолыг бас л уншсаар байна. Гэтэл
«Өвөрхангай аймгийн Төгрөг сумын 8 дугаар багийн харьяат ... дугаар моторжуулсан бригадын байлдагч агсан Лувсанцэрэнгийн Аюушийн бүтээсэн гавьяаг тэмдэглэж Бүгд Найрамдах Монгол Ард Улсын баатар цолоор шагнасугай!»
гэж уншлаа.
Бурмаагийн тунгалаг хар нүд нь цавчихаа больж, дотор нь харанхуйлж цухалдан амьсгаадав. Индүүний бариул атгасан баруун гар нь зуурч индүүгээ хөдөлгөхгүй дарав. Сайхан цагаан пансан цамц шарлаж түлэгдлээ.
Бурмаа индүүгээ дарсаар байв.
Бурмаагийн хамаг биеийн хүйтэн хөлс асгав. Гар нь чичрэв...
