Би өөрийнхөө тулгуур зарчмыг юуны өмнө тов тодорхой цохон тэмдэглэе. Энэ бол дайн улс төрийн бодлогын хэрэгсэл хэрхэвч байх ёсгүй гэсэн зарчим. Дайныг хязгаарлах төдий бус, бүр ул мөргүй арилгах тухай ярих нь зүй. Энх тайвны төлөө хүлээх хамтын хариуцлагаас ангид үндэсний ашиг сонирхол гэж өнөөдөр байх учиргүй. Энэхүү эрүүл саруул бодол санаанд л аливаа гадаад бодлого үйлчлэх ёстой юм. Гадаад бодлого өөрөө европын болон даян дэлхийн аюулгүй байдлын төлөө хэрэглүүр гэдэг утгаараа түгшүүртэй байдлыг намжааж, улс гүрний хил хязгаар дамнасан хэлхээ холбоог хөхиүлэн дэмжихэд чиглэдэг...
