Зохиолч: Аннабхау Сахте
Орчуулагч: С. Пүрэвжав
Ангилал: Энэтхэг зохиол
Хэвлэлийн газар: Улсын хэвлэлийн газар
«Өглөө болоход бүх мухлаг онгойно. Цайны газрууд ч онгойно. Хэн нэгэн хүн уруулаа тамшаалсаар цай юм уу, кофе ууна. Хэн нэг хүн хан боргоцой идэж бетель татах юм уу, зажилна. Гэтэл өлсгөлөн би тэдний амыг хараад л онгорхой хаалганы дэргэд зогсож байх болно. Дараа нь цөмөөрөө ажилдаа орцгооно. Энэ хөтөч өөрийнхөө тэргийг хөллөнө. Ноён шүүгчид өмгөөлөгчид бетель зажилсаар шүүх рүүгээ явцгаана. Харин би гудамжаар тэнэсээр, өлсгөлөн миний ходоодыг тарчилгасаар байх болно. Үгүй, үгүй! Ийм амьдралыг хараал идэг! Ийм амьдралыг цаашдаа тэвчих арга алга. Ажилгүй гэдэг бол ёстой адгийн зүйл байдаг юм байна» гэж тэр бувтнав.
Тэр даарчээ. Чичирч, яст мэлхий шиг толгойгоо мөрөндөө шигтгэв.
Толгой хандсан зүг рүүгээ л явсаар байв...
