Зохиолч: Чезаре Павезе
Орчуулагч: Б. Чимиддорж
Ангилал: Италийн уран зохиол
Хэвлэлийн газар: Улсын хэвлэлийн газар
Хэрэв тэнгэр цэлмэг бол харуй бүрий болох үед замын хажуугаар хоёр гурвуулаа ханилан алхалж түрүүчийн морио ширтэх бөгөөд жингийн цуваа галт тэрэг лугаа адил учир замын уртад эхний тэргийг саад тотгоргүй явуулахыг хичээнэ. Яваандаа хөгшид маань хоцорч эхэлмэгцээ морин тэргэн дээрээ гарч сууцгаав. Залуус бид үлгэрээ дуусгах буюу эцсийнхээ ганц янжуурыг хуваан татах мэтийн ажилтай үлдлээ. Чингээд удалгүй шуудайтай ачаан дээрээ үсрэн гарч зүүрмэглэж эхлэв.
Шуудайтай ачаан дээрээ эвхрэн хэвтээд нүдний өмнө сүүмэлзэх дэнгийн гэрэл нь миний өмнөх тэрэгнийх үү, миний тэрэгнийх үү? гэдгийг ялгах тэнхэлгүй тэрэгний нүргээнд бүүвэйлэгдэн нойрмоглон явна. Хэчнээн ч шөнө өнгөрөөлөө дөө...
