Лодон:
— (Өндийж) Та нар эндээс бас том, том худаг гаргах байх аа даа. Энэ бэлчээрийг чинь ашиглая гэж бодоогүй хүн нэг ч байхгүй. Гэхдээ хэдэн олон жил хэчнээн хүн туршиж үзсэнийг хэн мэдэх вэ? Бишгүй л олон хүн хүч хөдөлмөрөө гарздаад ашиг олоогүй биз. Тэгэхэд намайг юу гэнэ вэ? Худгийн дэргэд худаг гаргаж, ор нэр бөглөсөн энэ тэр гээд бас их шүүмжлээд байгаа юм аа. За гайгүй Лодон хүү өнөөдөр Сүрэн хүүхэнд шүүмжлүүлж байна. Маргааш чамайг хариуд нь шүүмжилнэ дээ...
