Зохиолч: Бхагвадийчарана Вармаа
Орчуулагч: Ж. Гэндэндарам
Ангилал: Энэтхэг зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Хар алаг муурын хувьд гэрийнхэн дотроос хамгийн хайртай дотно нь Раамуугийн бэр байдаг бол харин Раамуугийн бэрийн хувьд хамгийн өштэй хонзонтой нь хар алаг ажээ. Раамуугийн бэр харь хадмын үүд өрхийг анх сөхөн орж ирснээс хойш дөнгөж хоёр сар гаруйхан болжээ. Хань нөхрийн хайр, хадам эцгийн энхрийлэл, арван дөрөвхөн настай анхил охинд тусч хөрөнгө зоорины бүхий л түлхүүр түүний бүсэнд цацаглаж, боол зарц болгонд буулгах зарлиг мундахгүй болж орон гэрийн бүрэн эрхт эзэн нь болжээ. Хадам эх эрих эргүүлэн маани уншихаас өөр юмгүй болжээ. Гэвч арван дөрөвхөн настай гэнэн охин...
