Лилиан хүүхдүүдтэйгээ хамт зочдын өрөөнд сууж байснаа Жулиус, Элан ч бас өөрийгөө буудаад үхсэн гэж ярихад сонсоогүй мэт байснаа, хэн нь ч өглөөнөөс хойш юу ч идээгүй байсан тул галынхаа өрөөнд орж зайдас, кофе бэлдэхээр явав.

Шөнө болж залуучуудыг яваад, охидоо унтахаар хэвтсэн хойно Лилиан нөхрийнхөө өрөөнд орж бичиг цаасыг нь үзлээ. Сүүлчийн цаасан дээр хамгийн сүүлд бичсэн зүйл анхаарлыг нь татаж уншив:

«Гэр бүл бол цаг ямагт хүний нийгмийн үндсэн бүлэг байдаг. Улс төрийн хувьсгал, эмэгтэйчүүдийн нийгмийн байдлын өөрчлөлт зэргийн аль нь ч үүнийг өөрчилж чадахгүй. Бид өөрсдийн нийгмийн холбоог юуны өмнө гэр бүлийнхээ хүрээнд таньж мэддэг. Тиймээс жаргалтай гэр бүл гэдэг амьдралын хатуужилтай сайн иргэнийг нийгэмдээ төрүүлж өсгөхийн эх үүсвэр мөн. Гэр бүлийн жаргал юуны өмнө эцэг эхээс шалтгаалах тул эхнэр нөхөр хоёрын гандан бууршгүй хайр сэтгэл бүх үндэстэн ястны хувьд маш чухал утга учиртай юм. Эрэгтэй, эмэгтэй хүмүүсийн аль нь ч гэсэн цэвэр ариун дурлалыг хүсэж эрмэлздэг учир энэ хайр нь өөрөө аяндаа мөхөж буй нийгмийн аливаа илрэлтэй тэмцэх чадалтай ба ийм янзаар нийгэм өөрөө шинэ гэр бүлийн холбоо бүхэнд дахин төрөх боломжтой».

Үүнийг уншаад Лилиан уйлав...