Зохиолч: Нур Мохаммад Тараки
Орчуулагч: Д. Дамдинсүрэн
Ангилал: Гадаадын уран зохиол
Хэвлэлийн газар: Улсын хэвлэлийн газар
Цөм уруу дуруу царайлжээ. Гагцхүү хар сахалтууд нь ихэмсэг царайлан эргэн тойрныг ажиглан харна. Эрих гүйлгэн хааяа нэг «Бурхан өршөөх болтугай! Ээ бүү үзэгдэг!» гэж хүндээр санаа алдах дуу нам гүмийг эвдэнэ.
Тэдний таг чиг зовнилт байдал суурин дахь үймээн шуугиантай огтхон ч зохилдоогүй мэт санагдах аж.
Талийгаачийг оршуулах ёслол дээр хүн бүрд гарын бэлэг заавал өгдгөөс гадна хойчийн буян үйлдэх үеэр бага сага юм олдож болдог тул эрхэмсэг Гуль Мамадын оршуулгад ойр хавийн гуйланч, сохор доголон, өлсгөлөн хүн цөм цугласан байлаа. Ядууст эрээ цээр гэж байх биш, гэдэс цадаж явбал болох хойно цагаан хувцас, ороолт болсон хүмүүсийг бодвол ёсорхох явдал тэдэнд байсангүй...
