Зохиолч: Младен Марков
Орчуулагч: Ч. Дашдорж:
Ангилал: Гадаадын уран зохиол
Хэвлэлийн газар: Улсын хэвлэлийн газар
Банатын уугуул нутгийнхан болох Самошийн сербчүүд түрэмгийлэн эзлэлтийн анхны өдрөөс эхлэн дамын худалдаа хийж эхэлсэн юм. Тэд нар Панче руу талх, өндөг тээвэрлэн аваачаад оронд нь шуудай шуудайгаар нь мөнгө авчирцгаана.
Орой болохоор керосин дэнгийн гэрэлд өнөө мөнгөө тоолох ажилд орно.
Өрөөний дунд шалан дээр овоолоостой хэвтэж байгаа мөнгө рүү өвөө ясархаг гараа явуулан арвай сэврүүлэн эргүүлэх мэт самарч, нүд нь гялалзана.
Исаковынхан тийшээ явахдаа үргэлжид ач хүүгээ авч явцгаана. Өөрийн гэм зэмгүй байдлаараа энэ хүү тэднийг халхавчлан авч өнгөрдөг байлаа.
Ач хүүгээ эмч рүү авч явцгааж байна аа л гэж ямагт тэд залилна...
