Энэхүү эрхэм шагналыг мөхөс надад бус бүхий л амьдралынхаа турш сэтгэл оюуныхаа хөлс хүчийг шавхан туурвисан зохиол бүтээлд минь олгосон хэмээн ухаарахын сацуу ашиг завшаан, алдар нэрийг бодсондоо бус хүмүүсийн сэтгэл зүрхийг ариусгах агуу их үйлд оруулсан хувь нэмрийг минь ийнхүү үнэлсэн хэмээж сэтгэнэ. Иймд өөрийгөө энэ эрхэм шагналыг хүртэх итгэмжит хүн гэж тооцсугай. Энэхүү эрхэм шагнал, их мөнгийг эцсийн зорилгоо биелүүлэхэд нүүр бардам ашиглахад надад хялбар байх болов уу. Зохиолчдын хүнд бэрх, зүдүүр шаналгаат амьдралд өөрийгөө зориулсан олон олон охид, хөвүүд миний хэлэх үгийг сонсож буй гэж найдна. Энэ индрээс үг хэлэх тэдний ээлж нэгэн цагт ирэх нь магад...
