Буриадын шүлэгч Намдол буюу Эгшигт Садва хэмээгч 1896 онд Оросын нийслэл хотоор жуулчлан явахдаа бичсэн урт шүлгийн бичмэл эхийг олоод үүнээс зарим хэсгийг түүвэрлэн авч хэвлэвэй. Төгсгөл үгнээс үзвээс уг шүлгийг төвд хэлээр бичээд дараа нь өөрөө монгол хэлэнд орчуулсан бололтой байна. Энэ болбоос хуучин монгол бичгийн хэлний баялаг санг чадамгай хэрэглэж бичсэн уран сайхан шүлэг юм. Гэвч шүлгийн дотор энэтхэг төвдийн үг буюу энэтхэг төвдөөс үсэгчлэн орчуулсан үг нэлээд байх ба үсгийн алдаа үлэмж учраас ойлгомж муутай болсон газар хааяа баймуй. Зарим үгийн барагласан утгыг хаалтан дотор тайлбарлаж бичвэй.
Ц. Дамдинсүрэн
