Зохиолч: Х. Сампилдэндэв
Орчуулагч:
Ангилал: Монголын уран зохиол Түүх Хэл, толь бичиг Намтар, дурсамж
Хэвлэлийн газар:
Эрдэмтэн зохиолч Шанжмятавын Гаадамба 1924 оны 9-р сарын 27-нд Булган аймгийн Могод сумын Баавгайн эх булаг хэмээх газарт малчин ардын гэрт төрж сумын дунд сургууль төгсөөд 1940—1942 онд Улаанбаатар хотноо Багшийн сургуулийн дэргэдэх курст суралцан нутагтаа ирж багшлан эрдэм соёлын замаа эхэлжээ. 1948—1952 онд МУИС-ийн монгол хэл утга зохиолын ангид суралцан төгсөж монгол хэл уран зохиолын багш мэргэжил эзэмшжээ. Ингээд улсын радио хороонд редактор МУИС-д утга зохиолын багш зэрэг ажил хийж байгаад 1959— 1962 онд Москвад аспирантурт суралцаж төгсөж 1970 оныг хүртэл МУИС-д багш, монгол хэл зохиолын тэнхимийн эрхлэгчээр ажилласан байна. Мөн МҮЧЗХ-г 1990 онд үүсгэн байгуулахад тус холбооны тэргүүнээр сонгогдон 1993 оны 6-р сарын ... өдөр насан хутаг болтлоо тус байгууллагыг удирдсан билээ.
