Монголын гучин нэгэн сарын (хоёр жил долоон сар шинийн нэгний) өдөр хамт нийлж,  цай идээ барилцсаны хойно улс төрийн сайжрах замыг тэргүүн болговол сайн болно гэж Их ноён санаа гаргаж,  бусад гурваас асуувал Багш ёст өгүүлрүүн:

— Богдын аврал,  бурхны аугаа шарын шашны хүчин,  оросын баатар цагаан хаантны тусламжаар өнөө гурваад жилийн янар болсоор хуучнаас муудсангүй бөгөөд үүнээс сүүлийн өдрүүдэд ч мөн урьдчилан хэлж болно гэсэнд магад өгүүлрүүн:

— Багшийн саналын үг үнэхээр бодууштай. Хуучнаас муудсангүй болохул сайжирсангүй буй за. Энэ гийсэн тэнгэр маргааш бүрхэж үл болох буюу. Түүнчлэн гурван жил атал сүүлд муу болсоор одож үл болох уу! Тиймийн тул одоогоос яаравчлан сайжрахыг хичээвэл зохистой биш үү? Бас таны өгүүлсэн дөрвөн хүчин бол улс нийтээр сайжирсан болохул сая хүлээн хүртэж болно... гэвэл Их ноён өгүүлрүүн:

...