... хувьсгалын дуу гэж хуруугаа ёрдойлгон хэлснээ чамайг хувьсгалын түүх гэхээр чинь залуугийн нэг явдал санаанд ороод өвчигнөж байхгүй юу гэлээ.
— Ямар явдал вэ? гэж би эрхэдгүй сонирхон лавлав.
— Ямар ч гэсэн танай наад түүхэнд чинь байхгүй л явдал. Би ч гэсэн намын дугуйланд явдаг л даа, юу заадгийг нь мэднэ.
Өвгөн нэг хэсэг дуугүй сууснаа гэнэтхэн санаа авсан мэт
— Үгүй яах вэ дээ хөөрхий, сайхан л юм заадаг юм. Гэхдээ тэр хувьсгалыг чинь үзэж харсан. Сүх жанжинтай уулзаж учирч явсан бидний санаанд яаж таарах вэ.
— Та партизан уу?
— Үнэмлэх гэвэл байхгүй. Гэхдээ гамин бароны бууны хараанд орж л явсан хүн дэг...
