Зохиолч: Хосе де-ла-Куадра
Орчуулагч: Л. Нарангэрэл
Ангилал: Гадаадын уран зохиол
Хэвлэлийн газар: Улсын хэвлэлийн газар
Талбайн тууш сандал дээр нөгөө хүн бүтэн гурван цаг хэн нэгнийг хүлээн суув. Харин ингэж суухдаа залхуу нь хүрсэнгүй тэвчээр нь ч барагдсангүй гагцхүү нүцгэн хөлөө ширтсээр суусаар байлаа.
Тэгтэл хүлээж байсан хүн нь ирлээ.
— Орехуэла ноёнтон минь, надад гурван сукре зээлүүлээч. Би оронд нь Панчито хүүгээ танай руу явуулъя, тэгэх үү?
Орехуэла гэгч зэргэлдээ орших нэгэн байрны эрхлэгч хүн индианчуудтай эвийг нь олж харьцдаг хэмээн сайрхах дуртай. Тэр Бальбуктай маргаж үнэ хаялцаж, зөндөө удсаны эцэст эзнийхээ нэрийн өмнөөс гурван сукре өгөхийг зөвшөөрч ингэсний нь оронд Панчито хүү тэднийд гурван долоо хоног зарцлагдах болов...
