Зохиолч: Ах дүү Гримм
Орчуулагч: Ц. БАЛДОРЖ
Ангилал: Гадаадын уран зохиол Үлгэр, домог
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Эрт урьдын цагт хаан, хатан хоёр аж төрж байжээ. Эв найртай, элбэг жаргалтай амьдарсаар арван хоёр хүүхэдтэй болсон нь бүгдээрээ хүү байжээ.
Хаан хатандаа нэг удаа:
— Арван гурав дахь хүүхэд чинь охин болж төрвөл арван хоёр ахыг нь алахаас өөр яах вэ? Хураасан хөрөнгө, хошуу нутаг маань охинд минь хүртэг гэж гэнэ.
Тэгээд хаан арван хоёр авс хийх зарлиг буулгасан юм санжээ. Модны үрдсээр зөөллөж, жижиг дэр тавьсан арван хоёр авсыг нууц өрөөнд хийгээд түлхүүрийг нь хатанд өгч, хэнд ч үл хэл гэж хатуу тушаал буулгасан гэнэ...
