Зохиолч: Ах дүү Гримм
Орчуулагч: Ц. БАЛДОРЖ
Ангилал: Гадаадын уран зохиол Үлгэр, домог
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Эрт урьд цагт огт газаргүй нэг ядуу тариачин байж гэнэ. Ганц яйжгар байшин, цорын ганц охинтой юм санжээ.
Нэг удаа тариачин охиндоо:
— Хаан дээдсээс хөрс шимгүй ч болов сөөм газар гуйх юм сан гэжээ.
Энэ тухай хаан сонсоод үржил шимтэй сөөмхөн газар бэлэг болгож гэнэ. Охин тэр газрыг аавтайгаа хамт хагалан тариа тарихыг завдаж гэнэ. Газраа хагалаад бараг дуусаж байтал шижир алтаар хийсэн уур олцгоож гэнэ шүү.
Эцэг нь:
— Хаан дээдэс бидэнд халамж үзүүлэн газар өгсөн болохоор алтан уурыг хариу түүнд бэлэглэе гэжээ.
Охин үүнийг үл зөвшөөрөн:
— Эцэг минь нүдүүргүй ганцхан уур өгөхөөр нүдүүрийг нь биднээс шаардана. Тэгэхээр чимээгүй байсан нь дээр гэж аавдаа хэлжээ...
