Зохиолч: Ах дүү Гримм
Орчуулагч: Ц. БАЛДОРЖ
Ангилал: Гадаадын уран зохиол Үлгэр, домог
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
Нэгэн хүн долоон хүүтэй, ганц ч охингүй байсан юм санжээ. Охинтой болохыг ихэд хүсдэг байж. Гэтэл аз болж эхнэр нь охин төрүүлжээ. Баяр баясгаланд нь хязгаар байгаагүй ч охин нь ядуу дорой, биеэр жижиг байсны учир юуны өмнө нэр өгөхөөр шийджээ.
Тэгээд эцэг нь нэг хүүгээ булаг руу усанд явуулж гэнэ. Түрүүлж ус авах хүсэл хүүхэд бүрд байсан болохоор үлдсэн, зургаа нь ч ардаас нь дагаад гүйжээ. Тэгээд тэд домбоо худаг руу алдчихаж гэнэ. Мэл гайхсан хүүхдүүд хий дэмий зогссоор, хэн ч тэдний дотроос гэртээ харихыг зүрхэлсэнгүй. Эцэг нь хүлээж, хүлээж тэвчээр алдан:
— Дахиад л тоглоод алга болчихлоо. Зорьсон хэргээ мартчихлаа гэж үглэжээ. Нэр өгөхөөс өмнө охин нь нас барчихна гэж айсан эцэг аргаа бараад:..
