Зохиолч: Мукунд Дхунгель
Орчуулагч: Далантай
Ангилал: Гадаадын уран зохиол
Хэвлэлийн газар: Улсын хэвлэлийн газар
Хог цэвэрлэгч кастын Харимая болон түүний хүү Кришнача хоёр хашааны хамгийн холын нэгэн буланд даруухан сууцгааж, хурим найрыг сонирхон ажиж байв. Тэр хоёр бас зочлуулах л гэж иржээ. Суугаад л байж, суугаад л байж. Гэвч өмнөх ширээ нь хоосон хэвээрээ л байж. Тэгтэл зарц Бире бөөн навч барьсаар өмнө нь иржээ.
— Эзэнтний дайллагыг хүртэх ээлж маань ирлээ гэж эх хүү хоёр баярлажээ.
Тэд шүлсээ залгин Бирегийн уран хөдлөх гарыг нүд салгалгүй ажиглаж байсан боловч ёсыг бодон тэсэж ядан байгаагаа хүнд харагдуулахгүйг ихээхэн хичээж байлаа. Хоол боосон навчсыг дэлгэхэд нөгөө хоёр түүн рүү сарвайв. Гэтэл навчин дотор чинээлэг зочдын хоолны шавхрууг хамж боосон харагдахад мань хоёрын урам хугарч гүйцжээ...
