Энэ нэгэн “Ардыг мэхлэгч шар хуялч” хэмээх зохиол болбоос хутагт хувилгаадын хуурмаг байдлуудыг бага сага тодорхойлсон бөгөөд ямар хүмүүсийг яахан хутагт хувилгаан болгон ямар этгээдээс сэдэвлэн залдаг хийгээд яахан сүсэгтэн ардыг гэнэдүүлэн мөлждөг, яахан ноёд баяд лугаа сүлбээлдэж ард ядууг доромжилдог, яахан харчуудын дотор ирж ард олны өмнө шившгээ тарьдаг тэргүүтнийг бэлхэн үүний урьд өнгөрсөн үнэн хэргүүдээр гэрч болгон үлгэрлэж зохиосон бөгөөд үүнийг мөн үлгэрийн бичгийн оронд үзэж уншихуйд хялбарыг бодож үзэгдэл бүрийг гарчиглан бичвэй. Тиймийн тул үзэх олон авгай нар болхи бүдүүлэг бичсэнийг уучилж чөлөөтэй цагтаа үлгэр болгон уншиж хэрэглэх цагт жүжиг болгон гаргахыг хүсэх бас энэхүү зохиол нь улам хойш үзэх бүр улам инээдэмтэй зугаацалтай болмуй.
