Зохиолч: Дандапани Жеякантан
Орчуулагч: С. Пүрэвжав
Ангилал: Энэтхэг зохиол
Хэвлэлийн газар: Улсын хэвлэлийн газар
— Манай мартагдашгүй ахан дүүс... Тэд эрх чөлөөний төлөө цусаа урсгасан хүмүүс... Эрх чөлөөний төлөө хэчнээн олон баатар эрс амь эрсдэв! гэж өгүүлэхийг Поннаммаль сонсдог байв.
Дараа нь энэ тухай ярихыг нэг бус удаа сонсжээ. Энэ сэдэв ч яваа яваандаа эгэл жирийн зүйл болов. Амь үрэгдэгсдийн тухай нийтээр ярилцаж байсан ийм магтаалд Поннаммаль нэг ч удаа оролцож байсангүй. Харин түүний амь үрэгдсэн нөхрийн гавьяаны тухай дэргэд нь дурсахад дотроо баярладаг байлаа.
Гэвч байсан юм байснаараа. Өнгөрсөн юм өнгөрснөөрөө шүү дээ.
Одоо тэр жар гарчээ. Амьдралын урт удаан хугацаа хүч чадлыг нь барж гүйцжээ. Одоо тэр үхэх тухай байн байн боддог болов...
