монголын төрийг хятадын генералуудад алдаж гамин хүрч ирсэн үед Хужирбулангийн цэрэг татагдан бууж Сүхбаатар бид хоёр Хүрээнд орж ирээд өвөг эцгийн гэрт суух болсноос хойш Сүхбаатар хувьсгалын ажлаар оролдох болов. Гамингийн яам болох Си Лин бугийн яаманд үсэг өрөгчөөр оров.
10 дугаар оны хавар Сүхбаатарын эцэг Дамдин нь үхлүүт өвчтэй байв. Тэр үед Сүхбаатар аавынхаа толгойг нь түшиж суугаад,
— Би чухал ажилд явах гэж байна гэж хэлээд Зөвлөлт Орос улсаас тусламж эрэхээр явсан боловч зам нэвтэрч чадалгүй буцаж ирэхэд нь эцэг нь үхсэн байв. Зун нь Зөвлөлт Орос Улсад дахин явах болоод гэрээ худалдаж замын зардал төхөөрөөд явсан. Би нэгэн айлын үүдний пинд хүү Галсангийн хамт үлдэв...
