Академид маш их талархаж байгаагаа илэрхийлэхийн ялдамд надаас өмнө энэ шагналыг авсан агуу химичидтэй өөрийгөө харьцуулан "би үүнийг авах зүйл хийсэн бил үү" гэж эргэлзэн, бас түүний зэрэгцээ маш олон бэрхшээл, ухралт гарч байсан ч уйгагүй хөдөлмөрлөж байж шинжлэх ухааны сэтгэл догдлом амжилтад хүрсэндээ бахархах сэтгэл төрж байна. Уургийн химич бид өөрсдийнхөө судалж байгаа сэдэвт их урам зоригтой байгаа нь уг сэдэв дөнгөж өлгийдөө байгаа боловч ирээдүйд асар их боломж нээж хөгжин, хүн төрөлхтөнд, эрүүл мэндийн салбарт маш их үр өгөөж өгнө гэдэгт итгэл дүүрэн буй хэрэг юм...
