Нэгдүгээр ард — За Ёндон гуай... нэг дуу барина биз дээ.
Ёндон — Тэгэлгүй яах вэ, чухам тэгэх гэж л ирлээ. Би нэг ийм ерөөл бэлдээд байгаа та нар чагнаж бай.
... За
Цог заль нь бадарсан
Цовоо хүү Доржийн
Мэргэн ухаанаар сийлсэн
Машины ажиллагааг
Магтан ерөөх
Маш сайхан завшаан
Малчин над олдлоо
Түмний түрүү
Төрийн жолоодогч
Эцэг маршал Чойбалсангийн
Эрдэнэт сайхан сургаалаар
Энх жаргалант орондоо
Эзэн болсон бид
Элбэгбаян амьдралынхаа
Таван хошуу малынхаа
Тансаг идээг боловсруулахаар
Энэ сайхан заводыг
Элбэж бид барихад
Хур хүчит машинаараа
Холбоот улс нь тусалсан
Холбож ажиллах эрдмийг
Хувьсгалт Монголын багачууд
Гоц сайхан сураад...
