Баян Донойн зарц Бадамын хүү Базар тоглоом байхгүй тул нагац аавын өгсөн хэнз цагаан хургатайгаа хамт гэрийнхээ гадна наадан сууна.
Хэнз хурга нь биеэ маажуулах ба идэх юм горьдож, Базарыг үргэлж дагадаг ажээ. Базар гэрт орж эхийнхээ буруу харах хооронд хойд авдрын дээр байсан цагаан өвгөн гэдэг шаазан хүний дүрсийг нуун авч ирээд “Энэ өвгөн аав одоо анд мордохдоо чамайг унаж явах гэнэ” гэж цагаан өвгөнийхөө хүзүүг утсаар оосорлож хэнз хурганы ууцан дээр унуулан бэлхүүсээр нь уяад...
