Зохиолч: ЮЗЕФ ЧЕЛЬГРЕН
Орчуулагч: X. Гунгаажав
Ангилал: Гадаадын уран зохиол
Хэвлэлийн газар: Улсын хэвлэлийн газар
Энгийн царайтай, ганхсан алхаатай хүн цөөнгүй тохиолддог бил ээ. Тийм хүн хөгширч, үс нь бууралтаж, хоосроод одоо гудамжаар хэсүүчлэн аяга кофе буюу аяга пиво гуйж явдаг болжээ. Нулимс гүйлгэнэсэн хос хар нүдний харц: «Одоо ч яах вэ, Хейкки бүр гаргуундаа гарчээ. Хэрэв та нар түүний урьд өмнө нь ямар байсныг харсан бол!..» гэж хэлэх шиг болно.
Үнэндээ, Хейкки бүр гаргуундаа гарч гүйцжээ. Хувцас нь далан нөхөөс болсон шуудай мэт навсайж түүний цаанаас яс, арьс хоёр болсон нүцгэн бие нь гэрэлтэнэ. Гар хөл нь өнгө зүсээ алдаж бүр үзэмжгүй болжээ. Үс нь бөөгнөрч өвдөж үрчийсэн духан дээр нь унана. Нүдний хурц хараа нь унтарч туйлын ядарсан байдалд орсон байлаа. Тэр хүнийг харахад хүний харанхуй хоосрол илт үзэгдэнэ.
Гэвч энэ хүн хорин жилийн өмнө өөрийн гайхалтай зальт аргаар их хэмжээний мөнгөн сантай болсон бил ээ...
