Дунд сургуульд түүх утга зохиолыг сайнаар зааж залуу үеийн хүмүүсийг зөв сайн хүмүүжүүлэхэд улам ихээр анхаарлаа тавья гэдэг саналыг оруулж байна. Манай утга зохиолыг залуучуудад заахдаа аман зохиол, шинэ уран зохиол гэдэг хоёр бүрэлдэхүүнтэй ярих явдал үлэмжхэн байлаа. Одоо энэ өрөөсгөл үзлийг засах явдал их хойрго байна. Чухамдаа манай монголын уран зохиол бол дөрвөн бүрэлдэхүүнтэй юм. Тэр нь аль вэ? гэвэл ардын аман зохиол, шинэ уран зохиол, хуучин өв зохиол, орчуулгын зохиол эдгээр болно.
Эдгээр 4 зүйлээс монголын шинэ зохиол ялангуяа өв зохиолыг дунд сургуульд заахыг 1949 оноос хойш бараг зогссон байна. Өсөх үеийн залууст үндэсний уран зохиолыг бараг үзүүлэхгүй байгаа явдал бол залуусыг эх оронч үзэлтэй болгон хүмүүжүүлэхэд их хортой...
