Зохиолч: Сульвей Хауген
Орчуулагч: X. Гунгаажав
Ангилал: Гадаадын уран зохиол
Хэвлэлийн газар: Улсын хэвлэлийн газар
Фени нуурын хойд захын хөвөөг дагаж ургасан ойн чөлөөнд нэг цэрэг гарч ирлээ. Газарт наалдан өнгийж эргэн тойрныг харвал ганц ч хүн үзэгдсэнгүй. Эргэн тойронд сэжиг, түгшүүр үгүй болохыг мэдээд нуур луу мөлхөн очиж нуурын хүйтэн усыг ховдоглон залгиж эхлэв. Дараа нь толгойгоо усанд дүрж цээжээ гаргаж сэрүүцлээ. Энд ингэж удах нь аюултай гэдэг бодол гэнэт цэргийн дотор орж ирэв. Түүний ар талд модны мөчир дээрээс нэг шувуу дэрхийтэл нисвэл тэр цэрэг цочихдоо босон харайж ой дотор орж алга болов. Энэ бол оросын цагаан хаантай байлдуулахаар тавдугаар Фридрих хааны цэрэгт татагдсан Богеми нутгийн Генрих Пинке гэгч цэрэг байжээ...
