Эрдэмт хүн Ва бага наснаас алтны уурхай судлах ажилд онц мэргэжсэн тул Эрдэнэ чимэгт уулын Дэлгэрбаян хэмээх уурхайн судлагчаар он удтал ажиллаж хол ойрын олонд эрдэмт хүний сурвалжит нэр дуурьссан болой.
Нэгэн өдөр эрдэмт хүний жирэмсэн гэргийгээс цог жавхлан төгс имбэрүү гоо бөгөөд биеийн хүнд арван жинд хүрэх чийрэг бадируун байдалтай нэгэн гайхамшиг хүү төрсөнд эр эм хоёулаа цээж дүүртлээ баярлаж аливааг бэлтгэн засаж хүүгийн гуравдугаар өдөрт баяр үйлдэхээр ойр танилын нөхдийг урьж будааллаа.
Мөн өдрийн найран дээр шинэ төрсөн хүүгийн гайхамшгийг хэлэлцэн эцэг нь хүүдээ “Ургамал алт” хэмээх нэр өгсөнд...
