Соня өнөөдөр нөхөрт мордох ёстойгоо санав.
Тосгон даяар наргина. Тийм ч учраас ийм өглөө болж байгаа юм. Аймшигт өглөө.
Гэлээ ч охин зугтаагүй. Одоо зугтахаас өнгөрсөн. Хулчийжээ. Харин хоёр хоногийн өмнө явах гэж бэлдэж байсан. Саравчны араар бага сага юм зөөж хучаад, гэрийнхэнд анзаарагдахгүй гэж хэрдээ их хичээж байсан юм. Идэх юм нуух аргагүй, Бомка тэр дор нь олоод идчихнэ. Айхавтар нохой. Өмсөж зүүх жаал жуул хувцсаа л гаргаж нуужээ.
Тэгтэл хотоос яваа гэх ядуу хүүхэн ирээд, тэдний амбаарт хонохдоо аймаар юм ярьсан аж. Хотод тахал өвчин гарсан, ажил олдохгүй, аймшигт өлсгөлөн болж байгаа гэв.
Соня айж орхилоо. Хотод очлоо гээд охин хэнд хэрэг болох билээ?..
