Зохиолч: К. Эшмамбетов
Орчуулагч: З. Сандагаа
Ангилал: Киргизийн уран зохиол
Хэвлэлийн газар: Улсын хэвлэлийн газар
Би барилдах тун дуртай болохоор надаас зөвшөөрөл гуйхын хэрэг юун! Бид өвгөн бургасны мөчрөөс цүнхээ өлгөчхөөд тэшүүрээ тайлалгүй барилдаж гарав. Бид хоёр бяр тэнцүү болохоор хэн нь ч хэнийгээ давж байсан удаа байгаагүй юм. Гэвч энэ удаа «Ялалт миний болог» гэж би бодоод Алёшийн цээж рүү хүчтэй ёвров. Тэр гуйвлан духаараа бургас мөргөн унав.
— Алексей босоорой! Босооч чамайг даа... гэж би түүнийг ноцон ноолов.
Гэвч миний найз хөдлөх ч үгүй, дуу гарах ч үгүй нүдээ анин хэвтэж, хагарсан толгойноос нь цус гоожно. Ийм гай тохиолдох гэж байдаг аа!..
