Теодор Драйзер нь Америкийн олон нийтийн нэрд гарсан зүтгэлтэн бөгөөд бичгийн их хүн юм аа. Тэр АНУ-ын Индиан муж улсад цагаачилж очсон герман гаралтай ядуу гэр бүлд төржээ. Бэрх хэцүү зовлонт амьдралыг өөрийн биеэр туулж, америкийн бодит байдлыг нэвтэрхий мэдэх болсон ажээ. Тэр хэдийгээр ажиллах, суралцах хоёрыг хослон явуулсан ч эд хөрөнгөний гачигдал их сургууль төгсгөх бололцоо өгсөнгүй. Иймээс сонин сурвалжлагч болж, улс орныхоо аж үйлдвэрийн томхон хотуудад олон жил ажиллажээ. «Керри эгчхэн» (1900) гэдэг анхныхаа романаар, АНУ бол баян чинээлэг амьдрал, ардчиллын эх орон гэж хөрөнгөтний зохиосон хоосон домгийг довтолжээ...
