Үйл үйлдэх, үхэж одох, эрхлэн наадах тэргүүтэнд
Үдшийн бүрий, үүрийн харанхуйг үл цээрлэхчлэн
Үтэлж доройтсон, өчнөөн нялх алинд ч
Үсэг эрдэм сурахыг хичээх нь нэгэн адил хэрэгтэй.
Түмэнд мэргэн, бумд сэцэн гэж оморхон гайхуулаад
Түмэн үеийн уламжилсан түүх үсгээ эс мэдвэл
Төвөд, хятадын түмэн үсэгт мэргэшивч
Төрөл төөрсөн төрөлтөн болохоос өөр юун
Үндэс язгуур овог удам гэж хэдий сайрхавч
Үсэг, үлгэр, цадиг түүхээ үзэж мэдэхгүй болбоос
Үхрийн арьс нөмөрсөн ямаа, хонь мэтээр
Үхэр бус, хонь бус хоёрын хооронд болмуй...
