Тогмидын ПЭЛЖИД
Тогмидын Пэлжид нь 1934 онд Увс аймгийн Улаангом сумын Дэлгэр голд төржээ.
Тэр бээр 1959 онд Москвагийн Их сургуулийн орос хэл утга зохиолын ангийг төгссөн байна.
Т. Пэлжид нь 1959-1962 онд МУИС-ийн орос хэл утга зохиолын тэнхимд багшаар, 1962 оны 2-р сарын 12-ноос 1988 оны 1-р сарын 1-нийг хүртэл МУИС-ийн орос хэлний тэнхимийн эрхлэгч, 1988 онд Бэлтгэл факультетын гадаад хэлний тэнхимийн эрхлэгч, 1990-1992 онд орос хэлний тэнхимийн эрхлэгчээр тус тус ажиллаж байжээ.
Доцент Т. Пэлжид агсан 20 гаруй ном, гарын авлага, 10 орчим өгүүлэл хэвлүүлснээс гадна дотоод, гадаадын эрдэм шинжилгээний хуралд 20 гаруй илтгэл хэлэлцүүлсэн байна.
Т. Пэлжидийг 1962 онд Сайд нарын Зөвлөл, Засгийн газрын хүндэт жуух бичгээр, 1966 онд Ардын хувьсгалын 40 жилийн ойн медаль, 1971 онд 50 жилийн ойн медаль, 1981 онд 60 жилийн ойн медалиудаар, 1986 онд “Ардын гэгээрлийн тэргүүний ажилтан” цол, тэмдэг зэргээр тус тус шагнажээ.
Түүний зохиосон "Орос монгол сургалтын толийг" 1989 онд Москва хотноо “Русский язык” хэвлэлийн газар гаргасан ба В. Г. Белинскийн "Статьи о Пушкине" (УБ., 1974), О. П. Серафимовичийн "Ган урсгал" (УБ., 1977), А. И. Ивичийн "Их туурвилуудын паян" (УБ., 1979) оросоос монгол хэл рүү орчуулжээ..
Эх сурвалж : Монгол улсын их сургуулийн Гадаад хэл соёлын сургууль эмхэтгэн гаргасан "Манай эрдэмтэд" (УБ., 2010 он) номоос
