Шагдарын Уянга
(1966-2001)
Ш.Уянга Төв аймгийн Зуун мод хотод 1966 онд төржээ.
Москвагийн Сансарын геодез зураг зүйн дээд сургууль, МУИС-ийн физикийн ангийг төгсжээ. Тэр их дээд сургуульд багшлахын хамт яруу найраг туурвиж, орчуулга хийдэг байв. Уянга яруу найргийн "Болор цом" наадамд удаа дараа шагналт байрт шалгарч байлаа. Тэр бас "Чойном хаана байна" телевизийн кинонд яруу найрагч Р.Чойномын дүрийг бүтээжээ. Түүнийг нас барсны дараа эгч дүүс нь яруу найраг, орчуулгын бүтээлийг нь эмхэтгэж "Гандан уулын цэцэг" номыг 2002 онд хэвлүүлсэн байна.
Эх сурвалж : BIIRBEH.MN by Bataka - Шагдарын Уянга
