СИЛВИО МИКЕЛИ
(1911 онд төржээ)
Шугам зургийн ажил эрхлэгч Силвио Микели өөрийн бүтээлээ эрх чөлөөний төлөө тэмцэгч эрэлхэг зоригт ажилчин шигээ эхэлсэн аж. Түүний анхны роман «Гашуун талх» дайны дараахан 1946 онд хэвлэгдэн олзноос эргэж ирсэн италийн нэг инженер дайны өмнө ажиллаж агсан үйлдвэртээ буцан ирж ажиллаж ядуу зүдүүгийн харгайгаар хамт ажиллагч инженер нараасаа хөндийрөн, хэт гоёж гангалахыг хүсэгч авгайдаа хаягдавч үйлдвэрийн ажилчин ангийн дэмжлэгийг олон, тэдний зовлон зүдүүрийг танин мэдэж тэдэнтэй хамт ангийн тэмцэлд босож буйг тодоор дүрсэлсэн байдаг бил ээ. Микели ажилчин ангийн тэмцлийг яруу тод бодитоор дүрслэхээр мэрийн уран сайхан найруулга бүхий эгэл жирийн хэлбэрээр уншигчдад ойлгуулж чаддаг.
Силвио Микелийн бичсэн “Хөнгөмсөг” хэмээх роман нь ажил хаягчдын хөдөлгөөнийг бутарган сарниулагчийн дүрийг яруу тод зураглан түүний дэргэд нөхөд нь ажил хаялтад хэчнээн гайхамшигт санаа зоригоор бэлтгэж байгааг тусгадаг агаад энэ роман нь зохиолчийн үзэл санааны дээд бүтээл болсон ажээ.
