Цэрэнгийн Навагчамва
1936 онд Увс аймгийн Бөхмөрөн сумын нутагт төрсөн. Сумынхаа бага сургуулийг төгсөөд хэдэн жил мал маллажээ. 1956 онд Санхүү Эдийн Загийн Техникум, 1962 онд МУИС-ийн Эдийн Засгийн Сургуулийг Эдийн Засагч мэргэжлээр төгсөж Эдийн Засагч мэргэжилтэй болсон.
Үндсэн ажлаа хийхийн зэрэгцээ 1960-аад оноос төвийн сонин сэтгүүлд сурвалжилга нийтлэл бичиж эхэлсэн. 1990 оноос Эдийн Засгийн Дээд сургууль, “Тэнгэр" дээд сургуульд багш, мөн “Ардын Эрх”, “Өдрийн Мэдээ” сонинд сурвалжлагч зэрэг ажлыг хийж байсан. Түүний бичсэн арваад ном, 200 гаруй нийтлэлийн ихэнх нь хуучны Коммунист системийн гажиг, нэг нам нэг хүний дарангуйллыг хурцаар шүүмжилж, янз бүрийн үе шатанд улс төрийн хэлмэгдэлд өртөгдөгсдийн ариун үйлс гэгээн дурсгалыг хүндэтгэхэд чиглэж байжээ. Иймийн учир Монгол улсын цагаатгах ажлыг удирдах зохион байгуулах комиссоос 1998 онд тэргүүн бичлэгийн шагналыг хүртэж байв.
Ц. Навагчамба нь 1974 онд улс төрийн календарь зохиохдоо Монгол улсын сүлд дуунд байсан “Зөвлөлт Холбоот Улсыг магтан дуулсан" дөрвөн мөр шүлгийн үгийг хассан хэрэгт Зөвлөлтийн эсрэг, улс төрийн тэрс үзэлтэн гэдэг хаяг зүүж МАХН-аас хөөгдөж ажлаас халагдаж, газар заагдаж, жижүүр, манаач, гүйдэг нярав зэрэг хар бор ажил хийж явсаар 1990 оны Цагаан Морин жилийн Ардчилсан Хувьсгалаар улс төрийн хувьд нь цагаатгагджээ.
Эх сурвалж: "Хэлмэгдсэн заяа-17" (УБ, 2000 он) номоос
