Генри Лаусон
(1867 — 1922)
Австралийн зохиолч, яруу найрагч.
Үндэсний утга зохиолын хүлээн зөвшөөрөгдсөн сонгодог зохиолч.
Тэрээр дарвуулт онгоцны жолооч байснаа Хожим Австралид очиж алт ухагч болсон, уг гарлаараа норвег ядуу эр Петер Ларсены ууган хүү болон 1867 онд төржээ. Ядуу зүдүүгийн бэрхэд хавчигдсан эцэг нь ажил эрж нэг газраас нөгөөд нүүж, бүтэн жилээр ч гэр орондоо ирдэггүй байсан тул Лаусон эжийдээ тус нэмэр болж, гурван дүүгээ харж асрахын учир сургуульд тасалдалгүй явж чадаагүй ажээ. Генри эцгээ даган хар багаасаа хонь хяргаж, үхэр хариулахаас аваад модчин, будагчны ажил хүртэл хийжээ.
Гэр нь тус орны дорно эрэг хавийн томоохон хот болох Сиднейн ойролцоо ирсний дараа шүлэг бичиж сонинд хэвлүүлсэн бөгөөд 1888 онд анхны өгүүллээ бичсэнээс хойш Сиднейн сонинд өгүүллэг, шүлэг, найруулал бичдэг идэвхтэн болжээ.
Уран утга зохиол бичих авьяастай Лаусон улс орныхоо дундуур амьдралын бэрхийг амсан хэрэн тэнэж уран зохиол бичсээр 1922 онд нас баржээ.
Генри Лаусон австралийн залуу утга зохиолын санд нэлээд уран утга зохиолын номоо үлдээсэн байна.
Дэлгэрэнгүйг Wiki-гээс
