Ч. Лхамсүрэн

Төрийн шагналт яруу найрагч, хүүхдийн зохиолч ЧОЙЖИЛЖАВЫН ЛХАМСҮРЭН нь 1917 онд Баянхонгор аймгийн Баацагаан сумын нутагт төрсөн. 1938 оноос эхлэн уран бүтээлээ туурвисан, манай суу билигт яруу найрагчийн нэг тэрбээр 1964 онд Горькийн нэрэмжит утга зохиолын дээд курс төгссөн. Ч. Лхамсүрэн хүүхдэд зориулж «Сашка» (1942), «Гурван ховдог» (1947), «Хоёр бамбарууш» (1946), «Хөхөө юу гэж донгодов», «Үнэн тууж», «Түүдэг галын дуу» зэрэг номууд бичжээ. Мөн «Энх тайвны уриа», (1964), «Сайхан дуу» (1964) зэрэг хүүхэлдэйн жүжгүүдийг бүтээжээ. Ч. Лхамсүрэн «Хүрэн морь» найраглал, хүүхдийн олон сайхан дуу зохиосон тул 1963 онд БНМАУ-ын Төрийн шагнал хүртсэн юм.