Лион Фойхтвангер
(1884 - 1958)
Германы нэрт зохиолч Лион Фойхтвангер (1884. VII. 7 Мюнхен - 1958. XII. 21 Лос-Анжелос, АНУ) хөрөнгөтөн еврейн гэр бүлд төрсөн бөгөөд Мюнхен, Берлин хотноо суралцаж утга зохиол, гүн ухааны мэдлэг боловсрол олж авчээ. Тэрээр сэтгүүлч, театрын шүүмжлэгчийн ажил эрхэлж, 1914—1918 оны үед дайныг эсэргүүцсэн байр сууриа шүлгүүд, «Цэргийн олзлогдогсод» гэх мэт жүжгүүдээрээ илэрхийлж байжээ. Мөн Б. Брехтийн хамт К. Марлогийн «Английн ван II Эдуардын аж төрөл» гэдэг эмгэнэлт жүжгийг өөрчлөн боловсруулж тавьж, хожим нь «Симона Машарын зүүд» гэдэг драмын жүжиг бичсэн байна. Энэ жүжгийнхээ санаагаар 1944 онд францын эсэргүүцлийн хөдөлгөөний залуу баатар эмэгтэйн дүрийг харуулсан «Симона» гэдэг жүжиг бичсэн байна. Гитлерийг засгийн эрхэнд гарсны дараа Фойхтвангер Францад дүрвэн гарч соёлыг хамгаалах олон улсын хөдөлгөөнд оролцон Б. Брехт болон В. Бредель нарын хамт 1936—1939 онд Москвад хэвлэгдэн гардаг «Үг» гэдэг сэтгүүлийг редакторлаж байжээ. ЗХУ-д зочлон очоод «Москва 1937» гэдэг ном бичсэн байна.
Германы цэрэг францад орж ирэхэд Фойхтвангер амь дүйн зугтаж АНУ-д очжээ.
Дэлгэрэнгүйг Wiki-гээс
