АЮУРЫН ШАГДАР
А. Шагдар нь Хэнтий аймгийн Баянмөнх сумын нутагт 1932 онд төрсөн.
1944 онд Баянмөнх сумын дунд сургууль, 1966 онд МУИС-ийн Нийгмийн ухааны факультетын сэтгүүлзүйн ангийг сэтгүүлч мэргэжлээр төгссөн.
1946―1948 онд Баянмөнх, Дэлгэрхаан сумын бага сургуульд бичиг үсгийн багш, 1948―1956 онд Хэнтий аймгийн МХЗЭ-ийн хороонд нарийн бичгийн дарга, 1956―1962 онд “Үнэн” сонины Хэнтий аймаг дахь сурвалжлагч, 1966―1991 онд МАХН-ын Төв хорооны “Ухуулагч", “Улс төрийн сургууль" сэтгүүлийн утга зохиолын ажилтан, хариуцлагатай нарийн бичгийн даргаар тус тус ажиллажээ.
1972 оноос орос хэлнээс хүмүүнлэгийн ухаан, далд ухамсрын чиглэлээр ном бүтээл, товхимол орчуулж хэд хэдэн сурах бичиг хэвлүүлжээ.
Тэрээр Н. Ковалева “Далд ухамсрын нууц", В. Правливиевын “Нууцын нууцад нэвтрэхүй” номуудыг орчуулж, уйгуржин монгол бичгээс “Арван буянт номын цагаан түүх", “Үлгэрийн ном эрдэнэ цогцолсон", “Мандах нарны тухай", “Эрдэнэт толь" зэрэг судруудыг орчин цагийн монгол хэлнээ хөрвүүлж, “Бие, хэл, төрөө засах эрдэм", “ёс зүйн сурах бичиг" номыг эмхэтгэжээ.
А. Шагдарын хөдөлмөрийг үнэлэн Ардын хувьсгалын ойн медалиуд, Хөдөлмөрийн хүндэт медаль, “Алтан гадас” одон хоёр удаа, Хөдөлмөрийн гавьяаны улаан тугийн одонгоор шагнажээ.
Орчуулгын бүтээл:
Гольман М. И. АНУ-ын хөрөнгөтний түүх зүй дэх БНМАУ- ын нэн шинэ түүхийн асуудал, УБ.: ХК., 1976.
Федосеев П. Н. Коммунизм ба философи, УБ.: УХГ., 1977.
Федосеев П. Н. Орчин үеийн нийгмийн хөгжлийн диалектик, УБ.: УХГ., 1974.
Федосеев П. Н. Ухамсар ба амьдрал, УБ.: УХГ., 1978.
Эх сурвалж: "ХАН ХЭНТИЙ АЙМГИЙН ЗОХИОЛЧ, ОРЧУУЛАГЧДЫН ОРЧУУЛГЫН БҮТЭЭЛ (НОМЗҮЙН БҮРТГЭЛ)" Улаанбаатар хот, 2024 он
