Э. Сүнжидмаа

Э. Сүнжидмаа 

Э. Сүнжидмаа нь банк, санхүүгийн салбарт 12 жилийн хугацаанд ажиллахдаа хуримтлуулсан мэргэжлийн мэдлэг, ур чадвараа ашиглан хөдөө аж ахуйн салбарт санхүүгийн хүртээмжийг нэмэгдүүлэх, инновац нэвтрүүлэхэд анхааран ажилласан. 2018 онд АНУ-ын Олон Улсын Хөгжлийн Агентлагийн (USAID) REACH төслийн Сэлэнгэ салбарын зохицуулагчаар ажиллахдаа энэхүү зорилгын хүрээнд хөдөө аж ахуй, газар тариалан, мал аж ахуйн хосолсон төслүүдийг хэрэгжүүлэхэд онцгой үүрэг гүйцэтгэсэн.

Э. Сүнжидмаагийн ажлын нэг гол чиглэл нь ЖАЙКА, ХХААХҮЯ болон арилжааны банкнуудтай хамтран, санхүүгийн зуучлалын болон зөвлөх үйлчилгээгээр дамжуулан хөдөө аж ахуйн төслүүдийг амжилттай хэрэгжүүлэхэд чиглэгдсэн. Тухайлбал, ЖАЙКА-ийн төслийг Сэлэнгэ аймагт хэрэгжүүлэх явцад хөдөө аж ахуйн 20 компанид 2.4 тэрбум төгрөгийн хөнгөлөлттэй зээлийг олгосон нь үйлдвэрлэлийн үр ашгийг нэмэгдүүлэх, орон нутгийн эдийн засгийг дэмжихэд чухал нөлөө үзүүлсэн. Мөн шувуу, зөгийн аж ахуйн төсөл хөтөлбөрүүдийг боловсруулж, жижиг, дунд бизнес эрхлэгчдийн чадавхыг сайжруулах сургалтуудыг зохион байгуулсан нь эдгээр байгууллагуудын өрсөлдөх чадварыг дээшлүүлж, илүү тогтвортой, ашигтай үйл ажиллагаа эрхлэх нөхцөлийг бүрдүүлсэн.