МӨНГӨНИЙ ЧИМИД
(1919 - 2009)
Яруу найрагч, хүүхдийн зохиолч М. ЧИМИД 1919 онд Говь-Алтай аймгийн Тайшир суманд Цагаан дэрст гэдэг газар төржээ.
Уран бүтээлээ 1933 оноос эхлэн оролдож энэ хугацаанд хүүхдийн зан төлөвшлийн асуудалд гол анхаарлаа тавьж, тухайн сэдвээр зохиол олныг туурвижээ.
Хөдөлмөрийн гавьяаны улаан тугийн одонгоор хоёр удаа, Алтан гадас одонгоор болон медалиудаар шагнагджээ.
М. Чимидийн «Эх оронч хүү» (1940), «Цагаан тэмээт Өлзий» (1944), «Сандаг, Дондог хоёр» (1944), «Ах дүү гурав» (1946), «Баяндалай хааны Баяндондог баатар», (1947), «Насанхүү» (1959), «Хүүхэд тагтаа хоёр» (1959), «Ойн зүүд» (1967) зэрэг зохиолууд тусгай ном болж хэвлэгджээ. «Алтан номын үсэг», «Бага Минжүүрийн үнэн явдал», «Хулангийн тоос», «Түүхээс олдсон хүү» зэрэг ном бичсэн байна.
Ахмад зохиолч М. Чимид 1944 онд Монголын зохиолчдын эвлэлийн гишүүнд элсжээ.
1979 онд МХЗЭ- ийн шагнал хүртжээ.
