ЦАХИМ НОМ

А. Алексин

Анатолий Георгиевич Алексин
(1924 — 2017)

Жинхэнэ овог нь Гоберман. Хүүхэд залуучуудад зориулан бичдэг орос, зөвлөлт, израилийн зохиолч, кино зохиолч, жүжгийн зохиолч.

Дэлгэрэнгүйг эндээс

Анатолий Георгиевич Алексин 1924 онд Москва хотод, хуучин большевикийн гэрт төрсөн юм. Аугаа их эх орны дайны үед батлан хамгаалах заводын барилга дээр ажиллаж заводын сонины хариуцлагатай нарийн бичгийн дарга хийж байв.

1950 онд, Анатолий Алексин дээд сургууль төгсөх жилээ залуу уншигчдад зориулсан анхныхаа туужийн номыг хэвлүүлжээ. Түүнээс хойш зохиолууд нь олон арван удаа хэвлэгдээд байна. Тэдгээр туужийн заримыг нь пионерын насны багачуудад (“Гучин нэгэн өдөр”, “Саша, Шура хоёр”, “Сева Котловын ер бусын аялал”, “Коля Оляд, Оля Коляд бичиж байна”, “Долоодугаар давхраас ярьж байна!” “Мөнх амралтын оронд”, “Заримыг нь идэр насныхан болон залуу үеийг хүмүүжүүлж буй томчуудад зориулан” (“Тэр үед хаа нэгтээ”, “Миний ах кларнет үлээдэг”, “Хэнз хүүхэд”, “Жүжигчинч”, “Манай гэр бүлийн тухай”, “Тав дахь эгнээний гурав дахь нь”, “Ухаангүй Евдокия”) бичжээ.

Театруудын тайзан дээр Анатолий Алексиний “Буцах хаяг”, “Утасдаж байгаад ирээрэй”, “Миний ах кларнет үлээдэг”, “Аравдугаар ангийнхан” жүжгүүдийг нь амжилттай тоглож байна. Александр Фадеевийн романаар хийсэн “Залуу гварди” жүжгийг нь олон нийт өндөр үнэлж байна.

А. Алексиний зохиолууд бүх ах дүү бүгд найрамдах улсуудын болон Европ Азийн социалист улсуудын хэлээр, мөн Англи, Япон, Франц, Испани, Итали, Перс, Бенгалиар орчуулагдаад байна.

Зохиолч, ЗСБНХОУ-ын Төрийн шагнал, Лениний комсомолын шагналаар шагнуулсан, Хөдөлмөрийн гавьяаны Улаан тугийн хоёр одонтой, Н. К. Крупскаягийн нэрэмжит хүндэт медаль болон бусад олон медальтай билээ. Г. X. Андерсений нэрэмжит Олон улсын диплом хүртжээ.

1983 оэы хэвлэл “АНАТОЛИЙ АЛЕКСИН : ТАВДУГААР ЭГНЭЭНИЙ ГУРАВ ДАХЬ НЬ" (Улаанбаатар, АБЯ-ны хэвлэл) номоос

Зохиолч (орчуулагч)-ийн номууд

Өнөөдөр: 3400
Сүүлийн 7 хоног: 43804
Сүүлийн 1 сар: 251187
Нийт хандалт: 9737453